नेपाळमध्ये नोंदणी नसलेल्या 26 सोशल मीडिया प्लॅटफॉर्मवर बंदी
काठमांडू | –सोशल मीडिया मुले जग एकमेकांच्या फार जवळ आले आहे .ए आय च्या युगात तर फारच महत्त्व प्राप्त झाले असताना मात्र नेपाळ सरकारनं नोंदणी न केलेल्या सोशल मीडिया प्लॅटफॉर्मवर कडक कारवाई सुरू केली आहे. गुरुवारी संचार व माहिती तंत्रज्ञान मंत्रालयाच्या बैठकीनंतर 26 प्लॅटफॉर्म्स ब्लॉक करण्याचे आदेश देण्यात आले. यात Facebook, Instagram, YouTube, X, WhatsApp यांसारख्या प्रमुख सेवांचा समावेश आहे. इंटरनेट सेवा प्रदात्यांना (ISPs) डोमेन/एंडपॉइंट स्तरावर या बंदीची अंमलबजावणी करण्याचे निर्देश दिल्यानंतर ही स्थिती निर्माण झाली आहे.
काय घडलं? : “Directive on Regulating the Use of Social Media, 2023/2080” नुसार, नेपाळमध्ये व्यवसाय करणाऱ्या सर्व सोशल मीडिया कंपन्यांनी सरकारकडे नोंदणी करणे, स्थानिक कार्यालय उघडणे आणि संपर्क अधिकारी नेमणे बंधनकारक आहे. या अटींची पूर्तता न केल्यामुळे ही कारवाई करण्यात आली आहेकाठमांडूमधील वापरकर्त्यांनी Facebook आणि Instagram ब्राउझरवर लॉगिन होत नसल्याची तक्रार केली. “something went wrong”, “This site can’t be reached” असे संदेश दिसत असून काही ठिकाणी मोबाइल अॅप तात्पुरते चालू असल्याचेही समजते. बंदी यादीत Facebook, Instagram, Messenger, Reddit, Snapchat, YouTube, Discord, X यांचा समावेश आहे.काही सेवांनी आधीच नोंदणी प्रक्रिया पूर्ण केल्याने TikTok आणि Viber सुरु आहेत. स्थानिक अहवालांनुसार Telegram सारख्या सेवांवरही वेगवेगळ्या कालावधीत मर्यादा आल्या आहेत. नागरिकांवर परिणाम : अनेक नेपाळी नागरिक आप्तेष्टांशी संपर्कासाठी वापरत असलेले हे प्लॅटफॉर्म अचानक बंद झाल्याने संवादात मोठा अडथळा निर्माण झाला. परदेशात राहणाऱ्या नेपाळी समुदायासाठीही ही परिस्थिती गंभीर ठरत आहे. पत्रकार आणि हक्क संघटनांनी अभिव्यक्ती स्वातंत्र्यावर गदा येत असल्याची चिंता व्यक्त केली आहे. मंत्रालय लवकरच नोंदणी पूर्ण केलेल्या प्लॅटफॉर्म्सची अद्ययावत यादी जाहीर करू शकते, ज्यामुळे सेवा हळूहळू पुन्हा सुरू होण्याची शक्यता आहे. मात्र, सध्या ISPs स्तरावर तांत्रिक अंमलबजावणी सुरू असल्याने सेवांची उपलब्धता वेगवेगळ्या प्रदेशांमध्ये बदलू शकते.लवकरच स्थिती पहिलसारखे होईल .
